“Кешеләргә ихлас күңелле, ихтирамлы мөнәсәбәттә булырга кирәк ки, һәр кеше дә үзенә теләгәнен башкаларга да теләсен”. Мөхәммәд пәйгамбәр (галәйһиссәлам). Ислам – мөселман рухиятенең нигезе. Татарлар һәм башкортлар Ислам динен мең елдан артык тоталар. Ул аларның рухиятен һәм әхлагын билгели. Ислам – ул гаилә, җәмгыять мөнәсәбәтләренең, гореф-гадәтләренең үзәгенә үткән яшәү ысулы. Иман исә кешене изге гамәлләр кылырга этәрә, яман-гөнаһлы нәрсәләрдән тыя. “Ихлас” мөселман дини оешмасы барлыкка килүенең асыл сәбәбе Русиядә үзгәреш заманы җитүе – халыкка иман кайту.